Category: नगर परिषद निवडणूक 2025
written by Chandrakant Maniyar | November 10, 2025
मूल ( मेहुल मनियार )
आगामी होऊ घातलेल्या मूल नगर परिषद निवडणुक 2025 ची तयारी जोरात सुरू आहे. निवडणूक वेळापत्रकानुसार, उमेदवारी अर्ज भरण्याची प्रक्रिया १० नोव्हेंबर रोजी सुरू होणार होती आणि ही प्रक्रिया वेळेनुसार सुरू झाली आहे. तथापि, पहिल्या दिवशी कोणत्याही उमेदवारांनी त्यांचे अर्ज सादर केले नाहीत
निवडणूक कार्यालयातील सूत्रांनी दिलेल्या माहितीनुसार, उमेदवारी अर्ज भरण्याची शेवटची तारीख १७ नोव्हेंबर निश्चित करण्यात आली आहे. त्यानंतर, छाननी आणि नावे मागे घेण्याची प्रक्रिया पूर्ण केली जाईल.
यावेळी नगर परिषदेचे नगराध्यक्ष हे पद ओबीसी (महिला) प्रवर्गासाठी राखीव ठेवण्यात आले आहे. शहरात एकूण १० प्रभाग आहेत, ज्यामध्ये २० नगरसेवक निवडले जातील.
या आरक्षणामुळे संभाव्य महिला उमेदवारांमध्ये उत्साहाचे वातावरण निर्माण झाले आहे. अनेक जण त्यांच्या प्रभाव क्षेत्रांकडे वळले आहेत. संभाव्य उमेदवार घरोघरी जाऊन प्रचार करत आहेत आणि समर्थकांसह रणनीती आखत आहेत.
पहिल्या दिवशी अर्जांची कमतरता असली तरी राजकीय वातावरण तापले असून, येत्या काळात अनेक प्रमुख उमेदवार आपले अर्ज दाखल करण्याची शक्यता वर्तवली जात आहे.