महाशिवरात्रीनिमित्त मूल शहरात भक्तांचा महासागर; सामाजिक कार्यकर्ते राकेश ठाकरे यांच्याकडून थंडपेय वाटप

​मूल

महाशिवरात्रीच्या पावन पर्वावर संपूर्ण मूल शहर ‘हर हर महादेव‘च्या जयघोषाने दुमदुमले होते. मार्कंडा आणि सोमनाथ यांसारख्या पवित्र तीर्थक्षेत्रांकडे जाण्यासाठी मूल हे मुख्य केंद्र असल्याने, या मार्गावरून जाणाऱ्या भाविकांची शहरात मोठी गर्दी दिसून आली. भाविकांची ही प्रचंड संख्या लक्षात घेता, शहरात ठिकठिकाणी फराळ आणि उपवासाच्या पदार्थांचे वाटप करण्यात आले.

​दरवर्षीप्रमाणे यावर्षीही मूल येथील प्रसिद्ध सामाजिक कार्यकर्ते राकेश ठाकरे यांनी आपल्या घरासमोर भाविकांसाठी विशेष सेवा उपक्रम राबवला. वाढत्या उन्हाचा तडाखा लक्षात घेता, त्यांनी प्रवासाला निघालेल्या शेकडो भाविकांसाठी थंड सरबत आणि कोल्ड्रिंक्सचे वाटप केले. डीजेच्या तालावर आणि भक्तीमय वातावरणात पार पडलेल्या या उपक्रमाचा शेकडो नागरिकांनी आणि प्रवाशांनी लाभ घेतला.

​राकेश ठाकरे हे शहरातील प्रत्येक सामाजिक कार्यात नेहमीच अग्रभागी असतात. महाशिवरात्री असो वा इतर कोणतेही धार्मिक व सामाजिक सण, ते नेहमीच मदतीचा हात पुढे करतात. अशा उपक्रमांच्या माध्यमातून त्यांनी जनमाणसात आपले एक वेगळे आणि आदराचे स्थान निर्माण केले आहे.

​महाशिवरात्रीनिमित्त मूल शहरातून मार्गस्थ होणाऱ्या भाविकांसाठी अनेक ठिकाणी साबुदाणा खिचडी आणि इतर उपवासाच्या पदार्थांचे स्टॉल्स लावण्यात आले होते. भाविकांच्या सोयीसाठी ठिकठिकाणी केलेल्या या नियोजनामुळे संपूर्ण शहरात भक्तीमय वातावरण निर्माण झाले होते.