• मूल ( प्रा. चंद्रकांत मनियार )

         दि. १२ ऑगस्ट २०२६, रोजी मूल येथील शूरवी महिला महाविद्यालय, येथे भारतातील ग्रंथालय चळवळीचे जनक आणि प्रख्यात ग्रंथालयशास्त्रज्ञ डॉ. एस. आर. रंगनाथन यांच्या जन्मजयंतीनिमित्त कार्यक्रम साजरा करण्यात आला.

कार्यक्रमाची सुरुवात महाविद्यालयाच्या कार्यकारी प्राचार्या कु. हर्षा खरासे यांच्या हस्ते दीपप्रज्वलन व डॉ. एस. आर. रंगनाथन यांच्या प्रतिमेला माल्यार्पण करून करण्यात आली. यावेळी महाविद्यालयातील प्राध्यापकवृंद, शिक्षकेत्तर कर्मचारी व विद्यार्थिनी उपस्थित होत्या.

राष्ट्रीय ग्रंथालय दिनाचे औचित्य साधून विद्यार्थिनींमध्ये वाचनाची आवड निर्माण करणे, ग्रंथालयाचा नियमित वापर वाढविणे आणि विविध ज्ञानस्रोतांचा उपयोग करण्यास प्रोत्साहन देणे याबाबत मार्गदर्शन करण्यात आले. विद्यार्थिनींनी नियमित वाचनाची सवय जोपासावी आणि ग्रंथालयातील उपलब्ध पुस्तके, संदर्भग्रंथ व नियतकालिकांचा अधिकाधिक उपयोग करावा, असे आवाहन करण्यात आले.

कार्यक्रमाच्या यशस्वी आयोजनासाठी महाविद्यालयाच्या ग्रंथालय परिचर कु. स्वाती उत्तूरवार तसेच विद्यार्थिनींचे सहकार्य लाभले.