मूल

आगामी मूल नगर परिषद निवडणूक 2025 ला वेग आल्यानंतर शहरातील राजकीय वातावरण तापले आहे. भाजपचे ज्येष्ठ नेते तसेच आमदार सुधीर मुनगंटीवार यांच्या मार्गदर्शनाखाली संपूर्ण भाजप पथकाने आपला प्रचार मोहीमेला जोम दिला आहे. भाजपा नगराध्यक्ष पदाच्या उमेदवार प्रा. डॉ. किरण किशोर कापगते यांच्या नेतृत्वाखाली शहरातील प्रत्येक प्रभागात भाजपची संघटना सक्रिय झाली आहे.

प्रभाग २ मध्ये ‘अश्विनी निकोडे – सूरज मांदाडे’ जोडीचा दमदार प्रचार

प्रभाग क्रमांक २ मध्ये भाजपने दोन मजबूत, परिश्रमी आणि लोकाभिमुख उमेदवारांना संधी दिली आहे — अश्विनी रूपेश निकोडे आणि सूरज मांदाडे.

अश्विनी निकोडे :युवा,सुशिक्षित, कर्तृत्ववान आणि गृहिणींचा आदर्श

अश्विनी निकोडे सुशिक्षित असून घरगुती जबाबदाऱ्या सांभाळत समाजकार्यात सक्रियपणे सहभागी होणारी उत्साही महिला म्हणून ओळखल्या जातात. ‘गृहिणी देखील समाजपरिवर्तनाची वाहक होऊ शकते’ हे दाखवून देण्याचा त्यांचा दृढ निश्चय आहे.

त्यांचे पती रूपेश निकोडे ही सुशिक्षित असून भाजपचे निष्ठावान कार्यकर्ते आहेत. पत्नीच्या निर्णयात खांद्याला खांदा लावून उभे राहून त्यांनी कुटुंबासह जनतेची सेवा करण्याचा संकल्प व्यक्त केला आहे.

सूरज मांदाडे : सुशिक्षित युवा नेतृत्व, लोकांमध्ये मजबूत पकड

सूरज मांदाडे हे प्रभागातील लोकप्रिय युवा कार्यकर्ते असून त्यांची लोकसंवाद क्षमता आणि संघटन कौशल्य विशेष उल्लेखनीय आहे. शिक्षण, वर्तन आणि सर्वसमावेशक दृष्टिकोनामुळे युवकांपासून ते ज्येष्ठ नागरिकांपर्यंत सर्वच स्तरांमध्ये त्यांची चांगली पकड आहे.स्थानिकांमध्ये सातत्याने उपस्थित राहणे, त्यांच्या समस्यांवर वेळेवर मार्गदर्शन करणे आणि तरुणाईला सकारात्मक दिशादर्शन करणे ही त्यांची खासियत मानली जाते.

प्रभागातील नागरिकांचा विश्वास वाढत

प्रभागवासीयांचे म्हणणे आहे की “रोजच्या समस्यांवर काम करणारे, लोकांसोबत सदैव राहणारे आणि विकासासाठी झटणारे उमेदवारच प्रभागाला न्याय देऊ शकतात.” अश्विनी निकोडे आणि सूरज मांदाडे हे दोन्ही उमेदवार या निकषांवर पूर्ण उतरतात, अशी चर्चाही जोरात आहे.

किरण कापगते यांच्या विजयात महत्त्वाची भूमिका

स्थानिक पातळीवरील कार्यकर्त्यांचा दावा आहे की अश्विनी–सूरज यांची दमदार जोडी भाजपच्या नगराध्यक्ष पदाच्या उमेदवार किरण कापगते यांच्या विजयाचा मार्ग अधिक भक्कम करेल.प्रभागातील अनेक नागरिक आधीपासूनच या जोडीच्या विजयाबद्दल आत्मविश्वासाने बोलताना दिसत आहेत.

प्रभाग २ मध्ये भाजपची लाट

सध्याच्या राजकीय चर्चांनुसार प्रभाग २ मध्ये भाजप पक्षाला चांगला प्रतिसाद मिळत असल्याचे चित्र आहे. प्रचार मोहीमेत उमेदवारांचे सातत्याने दौरे, महिलांचे मोठे समर्थन, तरुणांचा उत्साह आणि मुनगंटीवार यांच्या नेतृत्वाची छाप यामुळे प्रभागात ‘भाजपचा दणका’ जाणवत असल्याचे कार्यकर्त्यांचे मत आहे.