मूल ( मेहुल मनियार )

      आदर्श आचार संहितेच्या पार्श्वभूमीवर नियोजित डायलिसिस सेंटरचा उद्घाटन सोहळा आमदार श्री. सुधीरभाऊ मुनगंटीवार यांच्या हस्ते होणार नाही. मात्र, उद्घाटनाची औपचारिकता न करता हे डायलिसिस सेंटर रुग्णांच्या सेवेसाठी दिनांक 25/09/2026 रोज शुक्रवार सकाळी 11.00 वाजेपासून सुरू करण्यात येणार आहे.
मूल व  आजूबाजूच्या परिसरातील गरजू रुग्णांना डायलिसिस उपचारासाठी दूरच्या शहरात जावे लागू नये, यामुळे वेळ आणि आर्थिक खर्च वाढतो. म्हणूनच हा आर्थिक भार कमी व्हावा, या उद्देशाने डायलिसिस सेंटर सुरू करण्यात आले आहे.
आचारसंहितेमुळे उद्घाटन कार्यक्रम घेता आला नसला, तरी रुग्णसेवा थांबू नये, या भूमिकेतून सेंटर कार्यान्वित करण्यात आले. त्यामुळे परिसरातील रुग्णांना या सुविधेचा लाभ मिळण्यास सुरुवात होणार आहे.
आमदार श्री. सुधीरभाऊ मुनगंटीवार यांच्या प्रयत्नातून आणि पाठपुराव्यातून उपलब्ध झालेली ही आरोग्य सुविधा मूल शहर व परिसरातील नागरिकांसाठी महत्त्वपूर्ण ठरणार आहे.