गुलशन कुमार म्युझिकल ग्रुप गोंदियाच्या सुरेल भक्तीगीतांची भाविकांना मेजवानी

​मूल  ( मेहुल मनियार )
नवरात्रोत्सवाच्या मंगल पर्वावर मूल शहरात आज, सोमवार दि. १९ ऑक्टोबर रोजी सायंकाळी ७:०० वाजता भव्य ‘देवी जागरण’ सोहळ्याचे आयोजन करण्यात आले आहे. हा भक्तिमय कार्यक्रम गुजरी चौक येथील फडणवीस वाड्यासमोर पार पडणार असून मूलची राजमाता माँ परमेश्वरी दुर्गा मंडळ, मूल यांच्या विद्यमाने या विशेष कार्यक्रमाचे नियोजन करण्यात आले आहे. या जागरण सोहळ्यात गोंदिया येथील सुप्रसिद्ध गुलशन कुमार म्युझिकल ग्रुप चे ख्यातनाम गायक आणि वादक उपस्थित राहून आपल्या सुरेल आवाजात एकापेक्षा एक भक्तिगीते सादर करणार आहेत. या देवी जागरणामुळे परिसरातील वातावरण भक्तिमय होणार असून,जास्तीत जास्त भाविक भक्तांनी सपरिवार उपस्थित राहून देवीच्या दर्शनाचा व या सुरेल भक्तिसंगीताचा लाभ घ्यावा, असे नम्र आवाहन आयोजक माँ परमेश्वरी दुर्गा मंडळाच्या वतीने करण्यात आले आहे.