मूल

नगर परिषद निवडणूक 2025 मध्ये प्रभाग क्रमांक 1 हा भारतीय जनता पक्षाचा परंपरागत गड मानला जातो. येथे कितीही समीकरणं बदलली, कितीही डावपेच झाले, तरी या प्रभागात भाजपला कोणीही डिचवू शकत नाही अशी जनमानसात ठाम भावना आहे.

या प्रभागातून भाजपचे उमेदवार अजय गोगुलवार आणि संजना मडावी मैदानात असून, दोघांनाही मिळणारा प्रतिसाद अक्षरशः अभूतपूर्व आहे. स्थानिक नागरिक, समाजबांधव यांचा त्यांच्यावर प्रचंड विश्वास असल्याचे स्पष्टपणे दिसत आहे.

प्रभाग 1 ची वैशिष्ट्ये अशी की, येथे खूप वर्षापासून भाजपशिवाय इतर कोणत्याही पक्षाचा उमेदवार विजयी झालेला नाही. याच परंपरेला यंदाही मतदारांनी पाठबळ देण्याचा निर्धार व्यक्त केला आहे. भाजपचे निष्ठावान कार्यकर्ते म्हणून ओळखले जाणारे अजय गोगुलवार हे आमदार सुधीर मुनगंटीवार यांच्या निकटवर्तीयांपैकी एक असून, समाजातील सर्व घटकांशी त्यांचा दांडगा जनसंपर्क आहे. तर संजना मडावीही स्थानिक महिलांमध्ये अत्यंत लोकप्रिय असून, त्यांची छाप सर्व समाजघटकांत दिसून येत आहे.

नगराध्यक्ष पदासाठी भाजपने डॉ. सौ. किरण कापगते यांना उमेदवारी दिली असून प्रभाग 1 मध्ये त्यांना प्रचंड बहुमताने मतदान होईल, असा विश्वास नागरिकांकडून व्यक्त केला जात आहे.

2 डिसेंबरला होणाऱ्या मतदानात जनतेचा हा विश्वास मतांत रूपांतरित होईल आणि 3 डिसेंबरला पुन्हा एकदा भाजपचाच विजय होईल, असा ठाम अंदाज स्थानिक पातळीवर व्यक्त केला जात आहे.

अजय गोगुलवार आणि संजना मडावी हे दोघेही जमिनीवरचे, सर्वांसोबत राहणारे, कार्यकर्त्यांना प्रोत्साहित करणारे, लोकांना सहज उपलब्ध असणारे असे उमेदवार असल्याने ते मोठ्या मताधिक्याने विजयी होतील, अशी जनभावना ठिकठिकाणी उमटत आहे.