मूल ( मेहुल मनियार )

राज्य निवडणूक आयोगाने नुकत्याच नगरपरिषद व नगरपंचायत च्या निवडणुका जाहीर केल्या असून राष्ट्रीय समाज पक्ष येणाऱ्या नगरपरिषद निवडणुकीत स्वबळावर लढणार असल्याचे पत्र परिषदेत सांगण्यात आले. मुल येथील इको गार्डन च्या रानवारा मध्ये आयोजित केलेल्या पत्र परिषदेत पक्षाचे महाराष्ट्र प्रदेश सचिव संजय कन्नावार यांनी ही माहिती दिली. चंद्रपूर जिल्ह्यातील मुल आणि गडचिरोली तालुक्यातील नगरपरिषद व नगरपंचायत मध्ये ताकतीने लढण्याची पक्षाचे महाराष्ट्र प्रदेश सचिव संजय कन्नावार यांनी पत्रकारांना माहिती देतांना  पुढे स्पष्ट केले की, गडचिरोलीत मागील निवडणुकीत यश मिळाले होते. या निवडणुकीत सुद्धा यश मिळेल अशी आशा व्यक्त केली. राष्ट्रीय समाज पक्ष हा गोरगरीब, शोषित, पीडित,शेतकरी, शेतमजूर, कामगार यांच्या हक्कासाठी लढणारा पक्ष असल्याचे त्यांनी सांगितले. या पत्रकार परिषदेत पक्षाचे युवक जिल्हाध्यक्ष साबीर शेख उपस्थित होते.
त्यांनी पुढे सांगितले की महायुती सोबत युती करणार नाही. मात्र महाआघाडीचा पर्याय खुला आहे. सध्या उमेदवारांची निवड झालेली नसली तरी वरिष्ठांच्या आदेशाप्रमाणे लवकरच यादी जाहीर होईल, असे त्यांनी स्पष्ट केले.