लोकहित समाचार मध्ये प्रसिद्ध झालेल्या बातमीतील लेखांतील आणि पत्रांतील मते संबंधित वार्ताहराची व लेखकाची असून लोकहित समाचार संपादक प्रकाशक अथवा मालक यांचा त्या मतांशी काहीही संबंध नाही. या मधील जाहिराती या जाहिरातदाराने दिलेल्या माहितीवर आधारित असतात. बातमी लेख व जाहिरातीतील मजकुराची वैधता लोकहित समाचार पाहू शकत नाही बातमी लेख व जाहिरातीतून उद्भवणाऱ्या कोणत्याही विषयाला जबाबदार संबंधित वार्ताहर लेखक किंवा जाहिरातदारच आहे.

सण श्रावण सरींचा

गेल्या खोलवर तडा अश्या भुईला
वाट पाहुनी दमला चातक तान्हा
थेंब पावसाचा धरेवर पडताच बघा
समद्या नदी नाल्यांना फुटला पान्हा
!!१!!

आला सण श्रावण सरींचा
निसर्ग असा अद्भुत चित्रकार
चाहूल पाऊस सरींची लागता
सुखावला सगळा चराचर
!!२!!

घेती आस्वाद निसर्गाचा पर्यटक
हिरवीगार वसुंधरा चहुकडे
वाहे डोंगर माथ्यातुनी धबधबे
पाणीच पाणी जिकडे तिकडे
!!३!!

लागला कृषक शेत जोतण्यास
लावूनी वखर – नांगरांना धार
हिरव्या गवताची खुराक बैलांस
जुंपली बैलजोडी जणू श्रीमंताची थार
!!४!!

श्रावणात पारंपारिक सणांचा उत्सव
वृद्ध चिमुकल्यांत हर्षाची लाट
चणे – फुटाणे लाह्या गोपाळकाला
तर कधी पेढ्यांचा चमचमीत ताट
!!५!!

वर्षानुवर्ष सुरू हे निसर्गाचे चक्र
त्यात वर्णावी किती श्रावणाची महती
घेऊन येई संग आनंद – आल्हाद
त्याची ऋणी सदा मनुष्य अन धरती
!!६!!

मुक्ता आगडे pk
मूल, चंद्रपूर

_______________________________
_______________________________