ग्राम.पंचायत सदस्य प्रशांत गट्टुवार व गणेश दुधबळे तथा ग्रामवासियानी केली आर्थिक मदतीची मागणी..!

मूल
मूल तालुक्यातील चिचाळा येथे १७/१२/२०२५ च्या मध्य रात्री अस्वलीने गावात शिरून हैदोस घालत गुराखी सुरेश काशीनाथ कुणघाडकर यांचे वर हल्ला चढवून गंभीर जखमी केले. सुरेश कुनघाडकर यांची परिस्थिती अत्यंत हालाखीची असून त्यांचेवर नागपूर येथील मेडिकल कॉलेज रुग्णालय येथे उपचार सुरू आहे.

      ही बाब आमदार सुधीर मुनगंटीवार याना ग्रामस्थानी उथळपेठ येथे कार्यक्रमात निवेदन द्वारा दिली. सुधीर मुनगंटीवार यांनी लगेच वनविभाग यांचेशी संपर्क साधून ५ लाख रु. मदत मिळवून देण्याचे आश्वासन दिले व स्वतः कडून ही मदत देणार असे जाहीर पणे सांगितले.यावेळी उथळपेठ चे सरपंच पालिंदर सातपुते यांची प्रमुख उपस्थिती होती.

निवेदन देताना ग्रा.पंचायत सदस्य प्रशांत गट्टुवार,गणेश दुधबळे,सुनील दुधबळें,विजय ढोडरे,वासुदेव बुरांडे,टिकू दुधे,साईनाथ दुधबळे,मनोहर बुरांडे,प्रकाश कुनघाडकर उपस्थित होते.