मूल ( मेहुल मनियार )
महाराष्ट्र राज्य शिक्षण बोर्ड तर्फे घेण्यात आलेल्या बारावीच्या परीक्षेचा निकाल आज जाहीर झाला. मूल येथील कर्मवीर महाविद्यालयाचा निकाल 90.87 टक्के लागला असून वाणिज्य शाखेचा निकाल 100 टक्के असून कला शाखेचा 88.01% आहे. कर्मवीर महाविद्यालयाने उत्कृष्ट निकालाची परंपरा कायम ठेवली आहे.
वाणिज्य शाखेतून कु. प्रणिता शंकर राऊत हिने 78.50% गुण मिळवून प्रथम स्थान पटकाविले तर सौरभ प्रवीण मोहुर्ले याला 78 टक्के गुण प्राप्त झाले.
कला शाखेतून मयूर संजय दयालवार याला 73.17% तर कु. प्राजु मुन्ना गावतुरे हिला 68.50% गुण प्राप्त झाले. यावर्षीचा निकाल समाधानकारक असल्याबाबत सांगितले जाते. बारावी परीक्षेत उत्तीर्ण झालेल्या सर्व विद्यार्थ्यांचे शिक्षण प्रसारक मंडळाचे अध्यक्ष एडवोकेट अनिल वैरागडे, सचिव शशिकांत धर्माधिकारी,  कर्मवीर महाविद्यालयाच्या प्राचार्या डॉ.अनिता वाळके, पर्यवेक्षक प्रा. दिनेश बनकर तसेच इतर सर्व प्राध्यापकांनी अभिनंदन केले आहे.