मूल

मूल तालुक्यातील बेलगाटा येथील रहिवासी पितांबर गुलाब सोयाम (वय ३७) यांचा वाघाच्या हल्ल्यात दुर्दैवी मृत्यू झाला. या बाबत सांगितले जाते की, ते काल गुरे चरायला जंगलात गेले होते; मात्र सायंकाळपासून ते बेपत्ता होते.

आज सकाळी गावकरी व वनविभागाच्या कर्मचाऱ्यांनी जंगलात शोधमोहीम राबवली असता, त्यांचा मृतदेह आढळून आला. वाघाच्या हल्ल्यात त्यांचा मृत्यू झाल्याचे प्रथमदर्शनी स्पष्ट झाले आहे.

या घटनेमुळे बेलगाटा परिसरात भीतीचे वातावरण पसरले असून, वनविभागाने नागरिकांना जंगलात जाताना खबरदारी घेण्याचे आवाहन केले आहे.  मृतकाच्या कुटुंबीयांना शासकीय मदत देण्याची मागणी ग्रामस्थांकडून करण्यात येत आहे.